Haddi: Áigodatkoarta: 490 kr
Bivdokoartta dohkálašvuohta, bivdi geatnegasvuohta
Fuođđukoarta lea gustovaš olles Finnmárkkuopmodagas. Koarta addá lobi bivdit buot fuođđošlájaid bivdoáigemeari siskkobealde. Bivdokoartta ii dárbbaš aktiveret. Bivdi galgá háhkat buori ipmárdusa njuolggadusaide ja priváhta eanaeaiggáduššanbeliide. Don gávnnat dieđuid bivddu reguleremiid, eriid ja eará FeFo neahttasiidduin. Jus rihkku FeFo smávvafuođđobivddu njuolggadusaid sáhttá mielddisbuktit ahte váldit koartta ja gieldit ja/dahje guoddalit ášši. Bákkolaš bivdoraporteren. Jus it raportere bivddu Finnmárkkuopmodagas oaččut divada. Divada fertet máksit go oasttát bivdokoartta boahtte áigodaga. Raportere dađistaga bivddu birra. Bivdoraporta galgá sisabuktojuvvot, maŋemusat cuoŋománu 30. beaivvi.
Kárášjoga ja Mátta-Várjjaga goahccevuvddiin ii leat lohpi bivdit lagat go 300 mehtera iežas fievrrus meahccebiilageainnuin.
Jus áiggut liseansabivdit fertet dieđihit liseansabivdiin bivdoregistarii.
Bivdokoarta galgá álo leat mielde bivddidettiin. Galggat čájehit bivdokoartta ja sállaša jus bivdobearráigeahčči sihtá dan dahkat.
Finnmárkkuopmodaga eatnamiin lea boazodoallu birra jagi
FeFo bivdá olbmuid leat erenoamáš várrogasat beanageavahemiin boazodoalloguovlluin. Mii muittuhit beanaeaiggáda ovddasvástádus mii lea čadnon láhkii:
Beanaláhka § 7: Guovlluin gos bohccot guhtot lobálaččat, galgá beanaeaiggát váruhit ahte beana ii baldde ja ráfehuhtte bohccuid, vaikko lea gitta dahje bearráigeahčus. Boazodoalli sáhttá gáibidit beatnaga mii ráfehuhttá bohccuid, galgá lea viesus dan botta go eallu johttá viesu dahje barta meattá.
Beatnagiin vánddardit guovlluin gos bohccot guhto, lea maid boazodoalloláhka § 65 gustovaš: Juohkehaš guhte johtala guovlluin gos bohccot guhtot, lea geatnegas geavahit iežas fuolalašvuođain ja várrogasvuođain nu ahte dárbbašmeahttumit ii ráfehuhte ii ge gavdnje bohccuid mat leat guohtume, johtime jna. Erenoamáš fuolalaš galgá leat ragatáigge, guottetáigge, mearkun-, rátkkašan- ja njuovadanáigge.
Loga vánddardanrávvagiid fefo.no siddus. Oza dieđuid mo boazodoallu geavaha guovlluid gos áiggut vánddardit. nibio.no:as gávnnat čakčaguohtunguovlluid ja eará áigodagaid guohtumiid. Gávnnat maid eará dieđuid boazodoalu birra nu go johtingeainnut.
